El primo giorno che i m'à messo a scola,
g'avea i oci che i parea grondai,
par davanti parava una cariola
e strapegava par de drio un tranvai.
'Pena drento un maestro co i ociai
el m'à tirado arente a la so tola;
'na puteleta la me fasea «ciai»
con le manine impastrocià de cola.
Po i m'à dato na bela caregheta,
mi no voleva e i m'à supiado el naso,
e so 'ndà a rente a quela puteleta.
Émo discorso un poco... Ela, poarina,
la s'à tirado su par darme un baso
e mi g'ò messo in boca una faolina!
 |
| Felice Casorati |
Nessun commento:
Posta un commento