te me spetarè,
su ‘na strada bianca,
dove el vento dindona
le ponte de i pigni.
Se te me vol ben
te me spetarè
dove l’acqua neta la dà
speci profondi
dove el sol tiepido,
te descanta l’anima.
Se te me vol ben,
te me spetarè
drio l’ombra
de na ruga,
al caldo de ‘na lagrema,
soto i cavei grisi.
Se te me vol ben
te me spetarè
al primo scalin de casa
co’ brassi verti e strussiadi,
co’ oci fermi,
sensa tempo.
Se te me vol ben
te me spetarè
par ascoltar la storia
nostra
par caminar sotobrasso
fin dove i passi
scrissa par la giara
e dove i fiori
i voria essar
i discorsi
che no s’à fato in tempo
a dir.
Nessun commento:
Posta un commento